 |
| Fernando D'Annunzio ha ragione, anche a Putignano di scena lo ..."Spread" |
PRIMA PARTE (STROFE 1-5)
...L’economìje šta ‘mmežž’ a li huàje,
la bborse cale e lu “sprèdd” saje".....
“La Štorie 2012”
di Fernando D’Annunzio
1
Arrive Carnivàle e pur’ a’huànne,
‘na Štoria nove nu’ iame candanne.
Dudici mise se n’à ggià passàte
però la crisi ni’ j’à ‘bbandunàte.
Sacrifìce e àddre tasse,
n’ ži va ‘nnènde di nu passe.
Ugge almene n’ gi pinžàme,
Carnivàle fištiggiàme.
2
Huardànn’ arréte, l’anne ch’à passàte
pe’ ttanda cosa trište é ricurdàte:...
žžunàme, tirramùte, inundaziòne,
disaštre nucleàre a lu Giappone;
l’Afriche s’é ribbillate,
li riggìme à cascàte;
nghi li piéne e nghi li frane.
3
Šta ‘ngòre tanda disoccupazione,
licinžiamìnde e cass’indegrazione.
Ci šta li fabbriche che šta chiudènne,
tanda famìjje si šta’ ‘mpuvurènne.
A pahà’ pe’ ‘štu dammàje
nin’ é ma’ chille che sbàje,
ci’arimétte solamènde
chi n’ gi nn’éndre pi’ nnijènde.
4
E l’Eure da déci’anne aduperàme,
ma piane piane mo ‘i zuffunnàme,
pe’ ccolpe di chi nin ž’è štat’ attènde
a cuntrullà li prizze a lu mumuènde.
Quande s’è ffatte lu cagne
hanne fâtte magna màgne.
Grazie a li spiculaziùne
štém’ a chišti cundiziùne.
5
L’Itàlie la cchiù mmuàje adéva rèsse
ma in serie “B” è štat’ aritrucèsse.
L’economìje šta ‘mmežž’ a li huàje,
la bborse cale e lu “sprèdd” saje.
T’addummuànne e ni’ li sé:
ma ‘štu “sprèdd” mo chi jjé?
E’ ‘na fréve, e se nin càle,
doppe ‘i sindìme màle
Nessun commento:
Posta un commento