Carnevale: "La Storie" 2010, di Fernando D'Annunzio

ULTIMA PARTE - STROFE 16-2O
"Dill’arte, di lu svaghe e la cultùre
l’Ištituziùne cchiù nin zi ni cure.
Nin danne cchiù nisciùne cuntribbùte,
lu Carnivàle pure s’è finùte"

16
E nghi rimbašte e rrimmišticamènde
lu Véschive ni’ scherze pi’ nnijènde,
à messe mane a Vašte e circundàrie,
e a tanda pridde ‘i fa cagnà àrie.
A Parròcchie e Assuciaziùne
ci šta ‘ mmette li cchiù ggiùne.
Chi uttànde à supuràte
a rripòse è ccullucàte.
17
Nu’ quasi quase ‘i n’abbruvugnàme,
purtroppe pur’a’huanne ariparlàme
di lu ‘spudàle nove, di li vìje,
di lu tracciate di la firruvìje. …
Ma però lu riturnèlle
ogne anne è sempre quelle,
nin gi šta niende di nòve,
lu sutuàcce nin zi mòve.
18
E nu prubbléme sempre cchiù ssindùte
è quelle ch’ arihuàrde li rifiùte.
‘Na cosa bbone è štat’ accumunzàte,
mo la raccolte jé differenziàte.
N’ gi šta cchiù li cassunìtte,
tuttiquende si n’é ‘ccorte,
Bruno Vespa à suggiurìte
d’ariccòie “port’ a pporte”.
19
Lu Lions Club si n’è ‘ndirissàte,
la štàtue di Ruscétte à rištauràte.
Dicéme grazie a ch’à sponzorizzàte
e cumplimende pi’ lu risultàte.
Pe’ la Piazze vann’ a spasse
tuttiquènde aricagnàte,
Grabbijéle puri ésse
mo s’è ricicilijàte.
20
Dill’arte, di lu svaghe e la cultùre
l’Ištituziùne cchiù nin zi ni cure.
Nin danne cchiù nisciùne cuntribbùte,
lu Carnivàle pure s’è finùte.
Ma pi’ bbona vulundà
di chi ugge šta ‘ ccandà,
chišta bbella tradizione
‘ngora si ni va ‘n pinziòne.